Manyak na rider, gumagala

@Balitang Probinsiya | Pebrero 3, 2023

AKLAN – Isang manyak na rider ang pinaghahanap ng mga awtoridad dahil sa panghihipo sa dibdib ng isang dalaga, kamakalawa sa Bgy. Andagao, Kalibo sa lalawigang ito.

Ang biktima ay itinago sa pangalang ‘Maribel’, 22, residente ng nasabing bayan.

Ayon sa biktima, habang naglalakad siya, kasama ang kanyang tiyahin sa naturang lugar ay biglang huminto sa tabi niya ang hindi kilalang lalaki na nakasakay sa motorsiklo, at pagkaraan ay hinipo ang kanyang dibdib.

Nabatid na sumigaw si ‘Maribel’ at kanyang tiyahin na manyakis ang suspek at sa takot ay mabilis na tumakas ang lalaki lulan ng kanyang motor.

Napag-alaman na nagsampa na si ‘Maribel’ ng kasong Acts of Lasciviousness laban sa suspek.