Mangingisdang sinaksak sa leeg, tepok

@Balitang Probinsiya | December 06, 2020

Bohol—Isang mangingisda ang namatay nang saksakin sa leeg ng kanyang kaibigan kamakalawa sa Bgy. Cogon, Tagbilaran City.

Kinilala ang biktima na si Noel Alverio, samantalang ang suspek ay si Clifford Monton, kapwa residente ng nasabing barangay.

Ayon sa ulat, habang nakahiga si Alverio malapit sa gilid ng dagat ay nilapitan ito ni Monton at agad sinaksak sa leeg na naging sanhi ng kamatayan ng biktima.

Kusa namang sumuko sa pulisya si Monton matapos ang pananaksak sa biktima.

Inaalam na ng mga awtoridad ang motibo ng suspek sa pamamaslang sa biktima.