Mangingisda, timbog sa boga
- BULGAR
- Oct 30, 2023
- 1 min read
@Balitang Probinsiya | October 30, 2023
CAMARINES SUR -- Isang mangingisda ang inaresto ng pulisya nang makumpiskahan ng isang baril kamakalawa sa Bgy. Vito, Siruma sa lalawigang ito.
Ang suspek ay itinago muna ng mga awtoridad sa alyas na “Raffy”, nasa hustong gulang at residente ng nasabing barangay.
Ayon sa ulat, nakaaway ni “Raffy” ang kanyang bayaw kaya binunot nito ang kanyang baril at itinutok sa hindi pinangalanang biktima.
Agad humingi ng tulong sa pulisya ang biktima kaya rumesponde ang mga awtoridad saka dinakip ang suspek.
Nahaharap ang suspek sa kasong illegal possession of firearms and ammunitions at paglabag sa Comelec gun ban.
Comments