Mangingisda natagpuang patay

@Balitang Probinsiya | March 18, 2023

QUEZON—Isang mangingisda ang natagpuang patay kamakalawa sa gilid ng ilog na sakop ng Bgy. Pansoy, San Andres sa lalawigang ito.

Ang biktima ay kinilala ng pulisya na si Marcelo Piga, 62, at nakatira sa nabanggit na bayan, Nabatid na ilang residente ang nakatagpo sa bangkay ng biktima sa gilid ng ilog sa nasabing barangay.

Napag-alaman na huli umanong nakitang buhay si Piga na nakasakay sa kanyang maliit na bangka at nangingisda sa naturang ilog.

Dahil dito, ayon sa pulisya ay posible umanong tumaob ang bangka ng biktima kaya ito nalunod at namatay sa ilog.