Mangingisda, dedo sa 2 kaalitan

@Balitang Probinsiya | ngayong Marso 10, 2024

QUEZON -- Isang mangingisda ang pinatay sa saksak ng dalawa niyang kaalitan kamakalawa sa Brgy. Dinahican, Infanta sa lalawigang ito.

Hindi na muna pinangalanan ng pulisya ang biktima at dalawang suspek habang iniimbestigahan pa ang naganap na krimen.

Ayon sa ulat, habang nagtatalo ay naglabas umano ng patalim ang biktima at tinangka nitong saksakin ang dalawang suspek.

Sinabi ng mga saksi na naagaw umano ng mga suspek ang patalim at ito ang ginamit sa pananaksak at pagpatay sa biktima.

Nabatid na sinampahan na ng pulisya ang dalawang suspek ng kasong homicide.