@Balitang Probinsiya | December 1, 2023
NEGROS OCCIDENTAL -- Isang magsasakang drug pusher ang naaresto sa drug-bust operation ng mga otoridad kamakalawa sa Brgy. Antipolo, Pontevedra sa lalawigang ito.
Ang nadakip na suspek ay kinilala ng pulisya na si Augusto Hoquire, nasa hustong gulang at nakatira sa nabanggit na barangay.
Nabatid na naaresto ang suspek sa isinagawang drug-bust operation ng mga otoridad sa nasabing lugar matapos na pagbentahan nito ng droga ang mga operatiba na nagpanggap na buyer ng umano’y shabu.
Nakakumpiska ang pulisya ng 15 gramo ng hinihinalang shabu at markadong pera sa pag-iingat ng suspek.
Nahaharap ang suspek sa kasong paglabag sa Comprehensive Dangerous Drugs Act of 2002.
Comments