Magsasaka tinodas ng armado
BULGAR
Nov 13, 2022
1 min read
@Balitang Probinsiya | November 13, 2022
CAMARINES SUR—Patay ang magsasaka nang barilin ng hindi kilalang armadong lalaki kamakalawa sa Bgy. Sagrada, Tinambac.
Ang biktimang nagtamo ng mga tama ng bala sa likod ay kinilala ng pulisya na si Roderick Calubag, nasa hustong gulang at nakatira sa naturang barangay.
Ayon sa ulat, naglalakad pauwi si Calubag nang sumulpot ang suspek at agad pinagbabaril ang biktima.
Nang matiyak na patay na ang biktima ay saka mabilis na tumakas ang salarin.
Nagpalabas na ng manhunt operation ang pulisya para madakip ang suspek.
Comments