Magsasaka, tinepok ng bayaw

@Balitang Probinsiya | June 29, 2023

NEGROS OCCIDENTAL -- Isang 41-anyos na magsasaka ang namatay nang barilin ng kanyang bayaw kamakalawa sa Bgy. Tampalon, Kabankalan City sa lalawigang ito.

Kinilala ng pulisya ang biktima na si Glenn Panganiban, residente sa naturang barangay, habang hindi na muna pinangalanan ang suspek hangga't hindi ito nadadakip ng mga awtoridad.

Ayon sa ulat, habang nag-iinuman ay nagkaroon ng pagtatalo ang magbayaw hanggang sa bumunot ng baril ang suspek at pinagbabaril ang biktima.

Agad dinala ng kanilang mga kamag-anak ang biktima sa ospital, pero idineklara itong dead-on-arrival.

Nagpalabas na ng manhunt operations ang pulisya para madakip ang suspek.