Magsasaka, tinepok ng 2 armado

@Balitang Probinsiya | May 28, 2023

NEGROS OCCIDENTAL—Isang magsasaka ang namatay nang barilin ng dalawang hindi kilalang armadong lalaki kamakalawa sa Bgy. Buenavista, Himamaylan City sa lalawigang ito.

Ang biktimang nagtamo ng mga tama ng bala sa katawan ay nakilalang si Raul Enmacino, nasa hustong gulang at nakatira sa naturang barangay.

Ayon sa ulat, habang nasa labas ng kanilang bahay si Enmacino ay biglang sumulpot ang mga suspek at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng mga suspek sa pamamaslang kay Enmacino.