Magsasaka, tinaga ng kainuman
BULGAR
May 2, 2021
1 min read
@Balitang Probinsiya | May 2, 2021
CAPIZ—Sugatan ang magsasaka nang tagain ng kanyang nakaalitang kainuman kamakalawa sa Bgy. Malonoy, Dumarao.
Ang biktimang nagtamo ng tama ng taga sa kanang kamay ay si Janjan Vergara, 31-anyos, samantalang ang suspek ay Rolly Hauder, 40-anyos, kapwa nakatira sa nabanggit na barangay.
Ayon sa pulisya, habang nag-iinuman ay nagkaroon ng pagtatalo sina Vergara at Hauder na humantong para tagain ng suspek ang biktima.
Kaagad dinala ng mga saksi ang biktima sa pagamutan at ginagamot na siya ngayon sa ospital.
Kusa namang sumuko sa pulisya ang suspek na nahaharap sa kasong frustrated murder.
Comments