Magsasaka tiklo sa 2 shotgun

@Balitang Probinsiya | March 25, 2023

AKLAN—Isang magsasaka ang inaresto ng mga tauhan ng pulisya nang makumpiskahan ng dalawang shotgun at mga bala kamakalawa sa loob ng kanilang bahay sa Bgy. Medina, Madalag sa lalawigang ito.

Ang suspek ay kinilala na si Patenio Narce, nasa hustong gulang at residente ng nabanggit na barangay.

Nabatid na sinalakay ng pulisya ang bahay ni Narce sa bisa ng search warrant na inisyu ng korte at dito nakumpiska ang dalawang shotgun at mga bala.

Hindi naman nanlaban ang suspek nang dakpin siya ng mga awtoridad.

Nakapiit na ang suspek na nahaharap ngayon sa kasong 2-counts ng illegal possession of firearms and ammunitions.