Magsasaka patay sa ligaw na bala

@Balitang Probinsiya | November 18, 2022

NORTH COTABATO—Isang magsasaka ang namatay nang tamaan ng ligaw na bala mula sa dalawang grupo ng kalalakihang nagbabarilan kamakalawa sa Bgy. Balatican, Pikit.

Ang biktimang nagtamo ng tama ng bala sa katawan ay nakilalang si Nasser Batuwag, 25-anyos, residente ng nasabing bayan.

Ayon sa ulat, bigla umanong nagbarilan sa naturang barangay ang dalawang armadong grupo ng kalalakihan at dahil dito ay tinamaan ng ligaw na bala ang biktima.

Nang malaman ng dalawang grupo ng kalalakihan na tinamaan ng ligaw na bala si Batuwag ay agad nilang nilisan ang lugar.

Sa kasalukuyan ay pinaghahanap na ng pulisya ang kalalakihang nagbarilan sa nasabing barangay.