Magsasaka, natagpuang patay sa palayan

@Balitang Probinsiya | February 12, 2021

CAPIZ—Isang magsasaka ang natagpuang patay kamakalawa sa palayan sa Bgy. Acbo, Sigma.

Ang biktima ay kinilala ng pulisya na si Anecito Ponsaran, nakatira sa nasabing barangay.

Nabatid na ilang residente ang nakatagpo sa bangkay ng biktima habang nakasubsob ang mukha sa palayan.

Sa imbestigasyon ng pulisya, huli umanong nakitang buhay si Ponsaran habang naglalakad sa palayan pauwi sa kanilang bahay.

Dahil dito, may hinala ang mga awtoridad na posibleng inatake ng sakit sa puso ang biktima kaya namatay ito sa palayan.