Magsasaka, natagpuang patay sa kubo

@Balitang Probinsiya | December 20, 2021

AKLAN--Isang magsasaka ang natagpuang patay kamakalawa sa loob ng kanyang bahay-kubo kamakalawa sa Bgy. Agbalogo, Makato.

Kinilala ng pulisya ang biktima na si Elberto Tapic, 49-anyos, at residente sa nabanggit na barangay.

Nabatid na mag-isang naninirahan ang biktima sa kanyang bahay-kubo.

Ayon sa ulat, ilang residente ang nakatagpo sa bangkay ng biktima sa loob ng kanyang bahay-kubo at ini-report agad nila ito sa pulisya.

Patuloy pa rin ang imbestigasyon ng pulisya upang mabatid sanhi ng pagkamatay ng biktima.