Magsasaka, kinatay ng katoma

@Balitang Probinsiya | July 17, 2023

AKLAN -- Isang magsasaka ang pinagsasaksak at napatay ng kanyang nakaalitang kainuman kamakalawa sa Bgy. Cortes, Balete sa lalawigang ito.

Ang biktimang nagtamo ng mga tama ng taga sa katawan ay nakilalang si Junito Cuadrante, nasa hustong gulang at residente sa nabanggit na barangay.

Habang ang suspek ay kinilala ng mga awtoridad na si Francis Dominguez, 33, at nakatira sa nasabing lugar.

Ayon sa pulisya, habang nag-iinuman ay nagkaroon ng pagtatalo ang dalawa na humantong para pagsasaksakin ng salarin ang biktima.

Agad dinala ng mga saksi ang biktima sa pagamutan, pero idineklara itong dead-on-arrival.

Kusang sumuko naman sa pulisya ang suspek matapos ang pananaksak sa biktima.