Magsasaka, dedo sa tuklaw ng ahas

@Balitang Probinsiya | Enero 31, 2024

ILOCOS SUR -- Isang magsasaka ang namatay matapos matuklaw ng ahas kamakalawa sa bukid ng Brgy. Capangdanan, Bantay sa lalawigang ito.

Kinilala ang biktima na si Joros del Castillo, nasa hustong gulang at nakatira sa nabanggit na barangay.

Ayon sa mga kapwa magsasaka ni Del Castillo, narinig nilang sumisigaw ang biktima na natuklaw ito ng ahas.

Agad nagtungo ang mga kapwa niya magsasaka sa kinaroroonan ni Castillo at natagpuan nila itong nakahiga sa bukid at nanginginig.

Dinala pa nila ang biktima sa ospital, pero idineklara itong dead-on-arrival.