Magsasaka, dedbol sa kuryente

@Balitang Probinsiya | Oct 30, 2021

NUEVA ECIJA—Isang magsasaka ang namatay nang makuryente kamakalawa sa Bgy. Sapang Bato, General Natividad.

Ang biktima ay kinilala ng pulisya na si Donato de Guzman, 37-anyos at residente ng Bgy. Burol sa nabanggit na bayan.

Ayon sa ulat, ilang residente ang nakatagpo sa bangkay ni De Guzman sa bukid na ilang metro ang layo sa isang bahay-kubo.

Nabatid na ini-report ng mga residente sa pulisya ang tungkol sa natagpuan nilang bangkay ng biktima.

Sa pag-iimbestiga ng pulisya ay dito nalaman na nakuryente ang biktima dahil nagtamo ito ng 3rd degree burns sa kamay at katawan habang hawak ang live wire na nakakonekta sa bahay-kubo.