Magnanakaw ng cable wires, nasakote

@Balitang Probinsiya | June 4, 2023

NEGROS OCCIDENTAL—Isang magnanakaw ng cable wires ang dinakip ng mga tauhan ng pulisya kamakalawa sa Bgy. Bata, Bacolod City sa lalawigang ito.

Pansamantalang hindi na muna pinangalanan ang suspek habang iniimbestigahan ito sa himpilan ng pulisya.

Ayon sa ulat, nakita ng mga nagpapatrolyang tauhan ng pulisya na ninanakaw ng suspek ang mga cable wires ng internet sa nasabing barangay kaya agad itong dinakip ng mga awtoridad.

Kusa namang sumama sa pulisya ang suspek nang dakpin sa nasabing lugar.

Nakapiit na ngayon ang suspek sa detention cell ng himpilan ng pulisya at sinampahan na ng kasong qualified theft.