@Balitang Probinsiya | December 6, 2023
CAPIZ -- Inaresto ng mga otoridad ang magkasintahang drug pusher sa drug-bust operation ng mga operatiba kamakalawa sa Brgy. Punta Tabuc, Roxas City sa lalawigang ito.
Kinilala ang mga suspek na sina Jonathan Villaruz, 32 at Anna Marie Azarcon, 29, kapwa nakatira sa nasabing barangay.
Ayon sa ulat, nadakip ang mga suspek sa isinagawang drug-bust operation ng mga operatiba sa nabanggit na barangay.
Nakakumpiska ang mga otoridad ng 20 gramo ng hinihinalang shabu at markadong pera sa pag-iingat ng mga suspek.
Kapwa nahaharap sa kasong paglabag sa Comprehensive Dangerous Drugs Act of 2002 ang magkasintahang drug pusher.
Comments