Magkasintahan, sugatan sa aksidente

@Balitang Probinsiya | November 3, 2023

AKLAN -- Sugatan ang magkasintahang binatilyo at dalagita na magkaangas sa motorsiklo nang mabangga sila ng isa ring motorsiklo kamakalawa sa Brgy. Linabuan Norte, Kalibo sa lalawigang ito.

Dahil kapwa menor-de-edad ay hindi na pinangalanan ng pulisya ang magkasintahang biktima na kapwa residente sa nasabing bayan.

Ayon sa ulat, mabilis ang takbo ng motorsiklong minamaneho ni Alex Orbista, 29, kaya nabangga nito ang motorsiklong kinalululanan ng magkasintahang biktima.

Nabatid na nagkaroon ng malaking pinsala sa ulo at iba’t ibang parte ng katawan ang mga biktima.

Dinala ng mga saksi ang mga biktima sa ospital, at kasalukuyan na silang ginagamot, samantalang kusa namang sumuko sa pulisya si Orbista.