Magkapatid nalunod sa ilog

@Balitang Probinsiya | December 27, 2020

ILOILO—Namatay ang magkapatid na menor-de-edad nang malunod kamakalawa habang naliligo sa ilog na sakop ng Bgy. Calicuang, Dingle.

Sa kahilingan ng pamilya ay hindi na pinangalanan ng pulisya ang dalawang menor-de-edad na biktima.

Ayon sa ulat, isinama ng kanilang ama ang dalawa niyang anak sa ilog para linisin ang kanyang motorsiklo.

Nabatid na habang nililinis ng ama ang kanyang motorsiklo ay naligo sa ilog ang dalawa niyang anak hanggang sa mapagawi ang mga ito sa malalim na bahagi ng tubig kaya nalunod ang mga biktima.

Kaagad sumaklolo ang mga residente, pero bangka na nang maiahon sa ilog ang magkapatid na biktima.