Magkaangkas sa motorsiklo niratrat

@Balitang Probinsiya | April 11, 2023

ZAMBOANGA CITY—Dalawang lalaki na magkaangkas sa motorsiklo ang namatay nang barilin ng mga hindi kilalang armadong salarin kamakalawa sa Bgy. Santa Maria sa lungsod na ito.

Isa lang sa dalawang biktima ang nakilala sa pangalang Jerry Alicanda.

Ayon sa ulat, lulan ng isang motorsiklo ang dalawang biktima nang bigla silang pagbabarilin ng mga salarin.

Dinala pa ng mga saksi ang dalawang biktima sa ospital, pero kapwa sila idineklarang dead-on-arrival.

Nagpalabas na ng manhunt operation ang mga awtoridad para madakip ang mga suspek.