Mag-utol, patay sa karambola

@Balitang Probinsiya | August 14, 2023

AKLAN -- Namatay ang magkapatid na lalaki sa karambola ng apat na sasakyan kamakalawa sa Bgy. Tambak, New Washington sa lalawigang ito.

Kinilala ang magkapatid na biktima na sina Jorlan, 28 at Joenard Tecson, 23, kapwa nakatira sa nasabing bayan.

Ayon sa ulat, nawalan umano ng kontrol si Carlo Villanueva, nasa hustong gulang, sa pagmamaneho ng motorsiklo kaya nabangga nito ang motorsiklong kinalululanan ng magkapatid na Tecson, at pagkaraan ay nabangga rin ng minamanehong tricycle ni Eladio Maravilla at Toyota Fortuner na minamaneho naman ni Jose Mayor ang mga biktima.

Nabatid na dinala ng mga saksi ang mga biktima sa ospital, pero kapwa sila idineklarang dead-on-arrival.

Patuloy ang imbestigasyon ng pulisya sa naganap na aksidente.