Mag-utol, arestado sa drug-bust

@Balitang Probinsiya | April 10, 2023

ILOILO—Tatlo katao, kabilang ang magkapatid na notoryus na drug pusher ang nadakip sa drug-bust operation ng mga awtoridad kamakalawa sa Bgy. North Baluarte, Molo sa lalawigang ito.

Ang mga suspek ay ang magkapatid na Manuel at Sandy Adanza, at ang kaibigan nilang si Jie Celis, pawang nasa hustong gulang at mga residente sa nasabing barangay.

Napag-alaman na naaresto ang mga suspek sa isinagawang drug-bust operation ng mga operatiba sa nabanggit na barangay.

Ayon sa ulat, nakakumpiska ang mga awtoridad ng anim na pakete ng shabu at markadong pera sa pag-iingat ng mga suspek.

Nahahaharap ngayon ang mga suspek sa kasong paglabag sa Dangerous Drugs Act of 2002.