Mag-ina, dedbol sa bus

@Balitang Probinsiya | August 19, 2023

CEBU -- Namatay ang mag-ina nang mabangga ng isang pampasaherong bus ang kinalululanan nilang motorsiklo kamakalawa sa Bgy. Minolos, Barili sa lalawigang ito.

Hindi muna pinangalanan ang mag-inang nasawi hangga’t hindi naipapabatid sa kanilang pamilya ang aksidenteng pagkamatay ng mga biktima.

Ayon sa ulat, nawalan umano ng kontrol sa pagmamaneho ng bus si Roldan Sestoso, nasa hustong gulang, kaya nabangga nito ang motorsiklong kinalululanan ng mag-ina.

Nabatid na nagtamo ng mga sugat sa ulo at katawan ang mga biktima. at dinala sa pagamutan, pero kapwa idineklarang dead-on-arrival.

Nahaharap ngayon si Sestoso sa kasong reckless imprudence resulting to double homicide and damage to property.