Mag-bf na tulak, timbog

@Balitang Probinsiya | June 24, 2023

NEGROS OCCIDENTAL -- Inaresto ng mga awtoridad ang magkasintahang drug pusher sa drug-bust operation kamakalawa sa Bgy. Mambulac, Silay City sa lalawigang ito.

Kinilala ng pulisya ang magkasintahang drug pusher na sina Gerardo Gelisanga, 32, at alyas “Liza”, 22, kapwa nakatira sa nasabing lungsod.

Ayon sa ulat, nadakip ang mga suspek sa isinagawang drug-bust operation ng mga operatiba sa nabanggit na barangay.

Nakakumpiska ang mga awtoridad ng 7 gramo ng shabu at markadong pera sa pag-iingat ng mga suspek.

Nakapiit na ang magkasintahang suspek na kapwa nahaharap sa kasong paglabag sa Comprehensive Dangerous Drugs Act of 2002.