Mag-asawang tulak, 1 pa huli sa drug-bust

@Balitang Probinsiya | December 15, 2022

CAMARINES SUR—Inaresto ng mga awtoridad ang mag-asawang drug pusher at isa pang lalaki sa isinagawang drug-bust operation kamakalawa sa Bgy. Concepcion Pequena, Naga City.

Kinilala ang mga suspek na sina Lolito at Melrose del Rosario at isa pang drug pusher na si Benjamin Fernandez, pawang nasa hustong gulang at mga residente sa nasabing lalawigan.

Ayon sa ulat, naaresto ang mga suspek sa isinagawang drug-bust operation sa nabanggit na barangay.

Nakakumpiska naman ang mga awtoridad ng mga shabu na nagkakahalaga ng mahigit P3 milyon sa pag-iingat ng mga suspek.

Nakapiit na ang tatlong suspek na pawang nahaharap sa kasong paglabag sa Comprehensive Dangerous Drugs Act of 2002.