Mag-asawang senior, todas sa SUV

@Balitang Probinsiya | July 30, 2023

NEGROS OCCIDENTAL – Namatay ang mag-asawang senior citizens nang mabangga ng isang SUV ang kinalululanan nilang motorsiklo kamakalawa sa Bgy. Tabao Proper, Villadolid sa lalawigang ito.

Ang mag-asawang nasawi ay nakilalang sina Alfredo, 73 at Felicidad Barte, 63, kapwa nakatira sa Bgy. Miranda, Hinigaran sa nasabing lalawigan.

Ayon sa ulat, nawalan umano ng kontrol ang hindi pinangalanang driver ng SUV sa pagmamaneho kaya nabangga nito ang motorsiklong kinalululanan ng mga biktima.

Nabatid na nagtamo ng mga sugat sa ulo at katawan ang mga biktima habang dinala sila sa pagamutan, pero idineklarang dead-on-arrival ang mag-asawang Barte.

Nahaharap ang driver ng SUV sa kasong reckless imprudence resulting to double homicide and damage to property.