Mag-asawang NPA, sumurender

@Balitang Probinsiya | February 11, 2021

CAGAYAN—Sumuko sa pamahalaan ang mag-asawang miyembro ng New People’s Army (NPA) kamakalawa sa bayan ng Allacapan.

Ang mag-asawang komunista na sumuko ay sina Ronald alyas Ka Lando at Evangeline Sebastian alyas Ka Ela, kapwa miyembro ng NPA na nag-o-operate sa naturang lalawigan.

Nabatid na isinuko rin ng mag-asawa ang mga dala nilang baril at bala sa Cagayan Provincial Police Office.

Ayon sa mag-asawang NPA, nais na nilang magbagong-buhay kaya nagpasya silang sumuko sa gobyerno.

Isinasailalim na sa taktikal na interogasyon ang mag-asawang sumukong NPA upang masigurong bukal sa kanilang kalooban ang pagbaballik-loob sa pamahalaan.