Mag-asawang bigtime tulak, arestado

@Balitang Probinsiya | Enero 23, 2023

CAMARINES SUR -- Inaresto ng mga awtoridad ang mag-asawang bigtime drug pusher sa drug-bust operation kamakalawa sa Bgy. Tabuco, Naga City sa lalawigang ito.

Ang mag-asawang suspek ay kinilala ng pulisya na sina Ernan at Nelyn Tobias, kapwa nasa hustong gulang at mga residente ng Bgy. Patimbao, Sta. Cruz, Laguna.

Ayon sa ulat, naaresto ang mga suspek sa isinagawang drug-bust operation ng mga operatiba sa nabanggit na barangay.

Nakapiit na ang mag-asawang suspek na kapwa nahaharap ngayon sa kasong paglabag sa Comprehensive Dangerous Drugs Act of 2002.

Nakakumpiska ang mga awtoridad ng 1,500 gramo ng shabu at markadong pera sa pag-iingat ng mag-asawang suspek.