Mag-asawa at anak sugatan sa aksidente

@Balitang Probinsiya | November 15, 2022

AKLAN—Sugatan ang mag-asawa at isa nilang anak nang aksidenteng bumangga ang kinalululanan nilang motorsiklo kamakalawa sa Bgy. Kinalangay, Malinao.

Ang mga biktima ay mag-asawang Samuel at Rubelyn Retome, kapwa nasa hustong gulang at ang 4-taong gulang nilang anak, pawang nakatira sa nasabing bayan.

Ayon sa ulat, nawalan ng kontrol si Samuel sa pagmamaneho ng motorsiklo habang angkas ang kanyang misis at anak, kaya bumangga sila sa sinusundang sasakyan sa naturang barangay.

Nabatid na nagtamo ng mga sugat sa ulo at katawan ang mga biktima.

Samantala, agad namang dinala ng mga saksi ang mga biktima sa pagamutan at sa kasalukuyan ay ginagamot pa sa ospital ang mga biktima.