Mag-ama, nahulog sa bangin

@Balitang Probinsiya | December 23, 2020

ABRA—Nasa malubhang kalagayan ngayon ang mag-ama nang aksidenteng mahulog sa bangin ang sinasakyan nilang trak kamakalawa sa bayan ng San Isidro.

Hindi na muna pinangalanan ng mga awtoridad ang mga mag-ama hangga’t hindi naipapabatid sa kanilang pamilya ang aksidenteng kinasangkutan ng dalawang biktima.

Ayon sa ulat, nawalan ng kontrol sa pagmamaneho ang driver habang kasama ang kanyang anak kaya nahulog ang kinalululanan nilang trak sa nasabing barangay.

Nabatid na nagkaroon ng pinsala sa mga kamay, ulo at katawan ang mag-amang biktima sa naganap na aksidente.

Kaagad sumaklolo ang mga residente at dinala sa pagamutan ang dalawang biktima.