Lolo, tinodas ng riding-in-tandem

@Balitang Probinsiya | November 24, 2020

NORTH COTABATO—Isang 60-anyos na lolo ang namatay nang pagbabarilin ng riding-in-tandem kamakalawa sa Bgy. Poblacion, Pikit.

Ang biktimang nagtamo ng mga tama ng bala sa katawan ay nakilalang si Florencio de Guzman, residente ng Bgy. Fortpikit sa nasabing bayan.

Ayon sa ulat, habang bumibili ng pagkain sa karidnerya si De Guzman ay biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Matapos tiyaking patay na ang biktima ay mabilis na tumakas ang mga salarin.

Iniimbestigahan na ng mga awtoridad ang motibo ng mga suspek sa pagpatay sa biktima.