Lolo sugatan sa nakaparadang van
BULGAR
Nov 22, 2022
1 min read
@Balitang Probinsiya | November 22, 2022
PALAWAN—Sugatan ang 64-anyos na lolo nang aksidenteng bumangga ang minamaneho nitong pick-up sa nakaparadang van kamakalawa sa Bgy. San Jose, Puerto Princesa City.
Nakilala ang biktima na si Domingo Gacula, nakatira sa nasabing lungsod.
Ayon sa ulat, nawalan umano ng kontrol sa pagmamaneho ng pick-up si Gacula, kaya bumangga ito sa nakaparadang van sa gilid ng kalsada.
Nabatid na sa lakas ng pagkakabangga ay nagtamo ng malaking pinsala sa ulo at katawan ang biktima.
Dinala ng mga saksi ang biktima sa ospital at kasalukuyan pa itong inoobserbahan sa pagamutan.
Comments