Lolo, natagpuang patay sa kubo

@Balitang Probinsiya | Oct 23, 2021

AKLAN—Natagpuang patay ang 78-anyos na lolo habang nakabigti sa loob ng kanyang bahay-kubo kamakalawa sa bayan ng Banga.

Sa kahilingan ng pamilya ng biktima ay hindi na pinangalanan ng pulisya ang nagpakamatay na lolo.

Ayon sa ulat, mga kapitbahay ng biktima ang nakatagpo sa nakabiting bangkay ng lolo sa loob ng kubo nito.

Nabatid na agad ini-report ng mga residente sa pulisya ang natagpuan nilang bangkay ng biktima.

Iniimbestigahan na ng pulisya kung nagpakamatay sa pamamagitan ng pagbigti sa sarili o kung may naganap na foul play sa pagkamatay ng biktima.