Lolo natagpuang patay sa ilog
BULGAR
Nov 29, 2022
1 min read
@Balitang Probinsiya | November 29, 2022
AKLAN—Isang 64-anyos na lolo ang natagpuang patay kamakalawa na nakalutang sa ilog na sakop ng Bgy. Bakhaw Norte, Kalibo.
Ang biktima ay kinilala ng pulisya na si Delfin Navarro, nakatira sa Bgy. Poblacion sa nabanggit na bayan.
Nabatid na ilang residente ang nag-report sa pulisya tungkol sa natagpuan nilang bangkay ng biktima na nakalutang sa ilog.
May hinala ang mga awtoridad na maaaring aksidenteng nahulog sa ilog ang biktima kaya ito nalunod.
Gayunman ay patuloy pa ang isinagawang imbestigasyon ng mga awtoridad para mabatid kung may naganap na foul play o pagkalunod lang ang ikinamatay ng biktima.
Comments