Lolo, nalunod sa ilog

@Balitang Probinsiya | November 18, 2021

CAPIZ—Patay ang 63-anyos na lolo nang malunod sa ilog na sakop ng Bgy. Cogon, Roxas City.

Ang biktima ay kinilala ng pulisya na si Oscar Jantolos, nakatira sa naturang barangay.

Ayon sa ulat, lulan umano ng bangka si Jantolos nang bigla itong tumaob sa ilog.

Nabatid na agad sumaklolo ang mga residente, pero hindi agad natagpuan sa ilog ang biktima.

Napag-alamang makalipas ang ilang oras ay natagpuan ng mga residente ang bangkay ng biktima sa gilid ng ilog.