Lolo, nalunod sa ilog
BULGAR
Apr 18, 2021
1 min read
@Balitang Probinsiya | April 18, 2021
CAPIZ—Patay ang 74-anyos na lolo nang malunod sa ilog na sakop ng Bgy. Alayunan, Maayon.
Ang biktima ay kinilala ng pulisya na si Antonio Demandante, residente sa naturang barangay.
Ayon sa ulat, huling nakitang buhay umano si Demadante habang tumatawid sa ilog, pero biglang rumagasa ang agos ng tubig kaya tinangay ang biktima.
Kaagad sumaklolo ang mga residente, pero hindi agad nakita ang biktima na lumubog sa ilog.
Nabatid na makalipas ang ilang oras na paghahanap ay natagpuang nakalutang na ang bangkay ng biktima sa nasabing ilog.
Comments