Lolo na rapist, kulong

@Balitang Probinsiya | August 2, 2023

NEGROS OCCIDENTAL -- Isang rapist na 68-anyos na lolo ang naaresto ng pulisya kamakalawa sa kanyang hideout sa Bgy. Carabalan, Himamaylan City sa lalawigang ito.

Ang suspek ay kinilala lang sa alyas na “Lolo Jude,” pansamantalang nakatira sa nabanggit na barangay.

Napag-alaman na nadakip ng mga awtoridad ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.

Nabatid na may nagbigay impormasyon sa pinagtataguan ng lolong rapist kaya agad rumesponde ang pulisya at dinakip ang suspek sa nasabing lugar.

Kusang sumama sa mga awtoridad ang suspek at ngayon ay nakapiit na sa detention cell ng himpilan ng pulisya.