Lolo, dinedbol ng riding-in-tandem

@Balitang Probinsiya | February 7, 2021

QUEZON—Patay ang 66-anyos na lolo nang barilin ng riding-in-tandem kamakalawa sa Bgy. Castanas, Sariaya.

Ang biktimang nagtamo ng tig-isang tama ng bala sa ulo at ay kinilalang si Ceferino Barcelona, nakatira sa nabanggit na barangay.

Ayon sa ulat, kausap umano ni Barcelona ang isang kabarangay nang biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Matapos ang pamamaril ay mabilis na tumakas ang mga salarin.

Iniimbestigahan na ng pulisya ang motibo ng mga suspek sa pamamaslang sa biktima.