Lolo, dedbol sa tren

@Balitang Probinsiya | December 11, 2023

QUEZON -- Isang 65-anyos na lolo ang namatay nang masagi ng tren kamakalawa sa Brgy. Inaclagan, Gumaca sa lalawigang ito.

Ang biktima ay kinilala ng pulisya na si Danilo Camerina, residente sa nasabing barangay.

Ayon sa ulat, habang naglalakad si Camerina sa gilid ng riles ay may dumaang tren at nasagi ang biktima.

Napag-alaman na nakaladkad ng halos 30 metro ang biktima na naging sanhi ng kanyang kamatayan.

Inihahanda na ng mga otoridad ang kasong reckless imprudence resulting to homicide laban sa hindi pinangalanang operator ng tren.