Lolo, dedbol sa gulpi ng mga kelot

@Balitang Probinsiya | January 30, 2021

PANGASINAN—Isang 65-anyos na lolo ang namatay nang bugbugin ng mga hindi kilalang lalaki kamakalawa sa Bgy. Bacnono, Bayambang.

Nakilala ang biktima na si Abraham Diguerto, nakatira sa Bgy. Ataynan sa nabanggit na bayan.

Ayon sa ulat, dumalo umano si Diguerto sa pagdiriwang ng kaarawan ng isang residente sa Bgy. Bacnono at pauwi na ito nang harangin at bugbugin ng mga suspek sa hindi pa malamang dahilan.

Matapos ang pambugbog ay mabilis na tumakas ang mga suspek.

Patuloy ang imbestigasyon ng pulisya para madakip ang mga salarin.