Lolo binaril, utas

@Balitang Probinsiya | April 5, 2023

ILOILO—Isang 63-anyos na lolo ang namatay nang barilin ng isang hindi kilalang lalaki kamakalawa sa Bgy. San Andres, San Rafael sa lalawigang ito.

Ang biktimang nagtamo ng mga tama ng bala sa katawan ay nakilalang si Ireneo Compleza, nakatira sa naturang bayan.

Ayon sa ulat, habang lulan ng kanyang motorsiklo si Compleza ay biglang sumulpot ang suspek at agad pinagbabaril ang biktima.

Mabilis na tumakas ang suspek nang matiyak na patay na ang biktima.

Iniimbestigahan pa ang motibo ng suspek sa pamamaslang kay Compleza.