Lolo arestado sa boga

@Balitang Probinsiya | March 21, 2023

ILOILO—Isang 63-anyos na lolo ang inaresto ng mga tauhan ng pulisya nang makumpiskahan ng baril at mga bala kamakalawa sa kanilang bahay sa Bgy. Bagacay, San Rafael sa lalawigang ito.

Ang suspek ay kinilala na si Joevy Besueno, residente ng nabanggit na barangay.

Nabatid na sinalakay ng pulisya ang bahay ni Besueno sa bisa ng search warrant na inisyu ng korte at dito nakumpiska ang isang kalibre .45 pistola at mga bala.

Hindi naman nanlaban ang suspek nang dakpin siya ng mga awtoridad.