Lola, todas sa ambulansiya

@Balitang Probinsiya | June 2, 2023

NEGROS OCCIDENTAL—Isang 70-anyos na lola ang namatay nang aksidenteng mabangga ng isang ambulansiya kamakalawa sa Bgy. 9, Kabankalan City sa lalawigang ito.

Kinilala ang biktima na si Angeles Arsalem, nakatira sa nabanggit na lungsod.

Ayon sa ulat, mabilis umano ang takbo ng ambulansiya kaya aksidente nitong nabangga ang biktimang tumatawid sa kalsada.

Agad dinala ng mga saksi ang biktima sa pagamutan. pero idineklara itong dead-on-arrival.

Kusang sumuko naman sa pulisya ang hindi pinangalanang driver na nahaharap ngayon sa kasong reckless imprudence resulting to homicide.