Lola, natagpuang patay sa ilog
- BULGAR
- Feb 28, 2021
- 1 min read
@Balitang Probinsiya | February 28, 2021
NORTH COTABATO—Isang 60-anyos na lola ang natagpuang patay kamakalawa habang nakalutang sa ilog na sakop ng bayan ng Tulunan.
Sa kahilingan ng kanyang pamilya ay hindi na pinangalanan ng pulisya ang biktima.
Nabatid na ilang residente ang nakatagpo sa bangkay ng biktima habang nakalutang sa nasabing ilog.
Sa imbestigasyon ng pulisya, huli umanong nakitang buhay ang biktima habang naglalakad sa gilid ng ilog.
Patuloy pa ang imbestigasyon ng pulisya para mabatid kung may naganap na foul play o aksidenteng nahulog sa ilog ang biktima na naging sanhi ng kanyang pagkalunod at pagkamatay.
Comments