Lola nahulog sa tricycle, dedbol

@Balitang Probinsiya | May 9, 2023

ILOILO—Isang 73-anyos na lola ang namatay nang mahulog sa sinasakyan niyang tricycle, kamakalawa sa Bgy. Quinolpan, San Enrique sa lalawigang ito.

Ang biktima ay nakilalang si Mely Botero, residente ng Bgy. Mapili, sa nasabing bayan.

Ayon sa ulat, habang minamaneho ni Nenito Laurista, nasa hustong gulang ang kanyang tricycle at nakasakay dito si Botero ay aksidenteng nahulog ang biktima.

Nabatid na nagtamo ang biktima ng sugat sa ulo at mga galos sa braso at katawan na naging dahilan kaya namatay ang lola.

Napag-alaman na sinampahan na ng pulisya si Laurista ng kasong reckless imprudence resulting to homicide.