Lola, minolestiya ng adik

@Balitang Probinsiya | November 9, 2023

MISAMIS OCCIDENTAL -- Isang 69-anyos na lola ang minolestiya ng isang lalaking adik kamakalawa sa Brgy. Nahawan, Clarin City sa lalawigang ito.

Hindi na muna pinangalanan ang biktima at ang suspek habang nagsasagawa pa ng imbestigasyon ang mga awtoridad.

Ayon sa ulat, dinakip ng pulisya ang suspek matapos na ireklamo ito ng biktima.

Sinabi ng biktima na ang pangmomolestiya sa kanya ng suspek ay naganap sa loob ng kanilang bahay habang nag-iisa siya sa kanilang tahanan.

Nakapiit na ngayon ang suspek sa detention cell ng himpilan ng pulisya habang inihahanda ang mga kaukulang kaso laban sa kanya.