Lasing, pinatay sa bugbog

@Balitang Probinsiya | July 1, 2023

NEGROS OCCIDENTAL – Patay ang isang lasing nang bugbugin ng apat na lalaki kamakalawa sa Bgy. Poblacion, Bago City sa lalawigang ito.

Ang biktimang nagtamo ng mga pasa sa mukha at katawan ay nakilalang si Roggie Tiolo, 47, at ang mga suspek ay ang magkapatid na Jed at Edmark Arangote, Dennis delos Reyes at Novi Bagallon, pawang nasa hustong gulang at mga residente sa nabanggit na lugar.

Ayon sa ulat, habang nakikipag-inuman si Tiolo sa isang kaibigan sa tapat ng isang tindahan ay dumating ang mga suspek at nagsalita umano ng hindi maganda ang biktima laban sa mga ito.

Dahil dito, biglang binugbog ng mga suspek ang biktima.

Agad dinala ng mga saksi si Tiolo sa ospital, pero idineklara itong dead-on-arrival, habang nadakip naman ng mga rumespondeng pulis ang mga suspek, at ngayon ay nakapiit na ang mga ito sa detention cell ng himpilan ng pulisya.