Lasing, pinatay ng magsasaka

@Balitang Probinsiya | December 19, 2023

AKLAN -- Isang lasing ang namatay nang pagsasaksakin ng isang magsasaka kamakalawa sa harap ng isang tindahan sa Brgy. Dingle, Banga sa lalawigang ito.

Kinilala ng pulisya ang biktimang nagtamo ng tig-isang tama ng saksak sa katawan at leeg na si Ricky Rivero, 51, samantalang ang suspek ay si Diolito Pineda, 47, kapwa nakatira sa nabanggit na barangay.

Ayon sa ulat, nagtungo si Pineda sa tindahan para bumili at dinatnan niya rito si Rivero na lasing na sa alak at kinukulit ang suspek.

Hindi umano nagustuhan ni Pineda ang pangungulit ni Rivero kaya pinagsasaksak ng suspek ang biktima.

Agad dinala ng mga saksi ang biktima sa ospital, pero idineklara itong dead-on-arrival, samantalang nadakip agad ng pulisya ang suspek.